都唔關呢樣野事．
事實係，我一向都係得牛仔褲，跟住就係圓領ｔ恤，然後就係一對波鞋兩對涼鞋．．．　跟住係見工既時候，因為有需要既緣故，我買左一條西褲兩件恤衫，然後一對超老套但舒服的鞋．

真係估唔到呢間唔係係尖沙咀中環灣仔既公司係唔准著牛仔褲（後來梗係見到有人著），然後又要著得斯文．
雖然佢話著扯褲都得，但我真係連一條扯褲都無，所以今個月買左好多衫－－唔好意思，我既身形，同香工扯不上關係．以我這種懶人衣服褲子都係係瑪莎睇中跟住揀碼然後試套落去再跟住拎張信用咭出來便行．

我已經對衫褲鞋襪都無乜興趣，所以一定要將自己既挫折感減到最低．大家可能唔知有時睇中左一件衫但自己又唔會著得靚既感覺係好慘的．．．．　

 

好啦，講到呢度，咁公司近香工究竟會發生乜事呢？
就係買鞋啦！
我講過啦，我連鞋都無呀嘛！

其實我連做呢個步驟都好求其，都係買ｄ大路既然後起碼幾年唔駛再買咁啦！

呢對係我第一對貪得意買既高跟鞋，講起就可憐．
其實認真試既時候佢都已經鞋踭甩出來，不過我因為無經驗既關係以為咁樣係可以調教．但實情就係佢對鞋型太長，我幾乎攝左兩個鞋墊落去行到落街都甩番出嚟，迫住上番樓換過第二對鞋嚟著．

咁佢以後就注定成世放左係度．

３７號腳的，邊個啱，啱就拎去啦！